101 ਸਾਲਾਂ ਦੀ ਅਮਰੀਕਨ ਮੈਰਾਥਨ ਵਿਜੇਤਾ ਸਰਦਾਰਨੀ ਮਾਨ੍ਹ ਕੌਰ ਅਤੇ ਉਨ੍ਹਾਂ ਦਾ 78 ਸਾਲ ਦਾ ਬੇਟਾ ਸਰਦਾਰ ਗੁਰਦੇਵ ਸਿੰਘ ਮਿਲ਼ਨ ਆਏ ।

101 ਸਾਲਾਂ ਦੀ ਅਮਰੀਕਨ ਮੈਰਾਥਨ ਵਿਜੇਤਾ ਸਰਦਾਰਨੀ ਮਾਨ੍ਹ ਕੌਰ ਅਤੇ ਉਨ੍ਹਾਂ ਦਾ 78 ਸਾਲ ਦਾ ਬੇਟਾ ਸਰਦਾਰ ਗੁਰਦੇਵ ਸਿੰਘ ਮਿਲ਼ਨ ਆਏ ।
ਵੈਨਕੂਵਰ ਵਿਖੇ ਅਮਰੀਕਨ ਮੈਰਾਥਨ ਦੋੜ ਦੀ ਗੋਲਡ ਮੈਡਲਿਸਟ ਸਰਦਾਰਨੀ ਮਾਨ੍ਹ ਕੌਰ, 101 ਸਾਲ ਦੀ ਉਮਰ ਵਿਚ ਜਦੋਂ ਆਪਣੇ 28 ਸਾਲਾਂ ਬੇਟੇ ਸ. ਗੁਰਦੇਵ ਸਿੰਘ ਨਾਲ "ਜਪੁ-ਘਰ" ਪਟਿਆਲਾ ਦਾਸ ਦੇ ਘਰੇ ਪਹੁੰਚੇ ਤਾਂ ਮੈਂ ਹੈਰਾਨ ਰਹਿ ਗਿਆ।ਕਿਸੇ ਵੀ ਸਿਹਤਮੰਦ ਨੌਜਵਾਨ ਨਾਲੋਂ ਚੰਗੀ ਅਤੇ ਚੁਸਤ ਦਰੁਸਤ ਤੋਰ ਤੁਰਦੇ ਦੇਖਦੇ ਹੀ ਬੰਨ੍ਹਦੀ ਸੀ। ਇਸ ਨੂੰ ਸ਼ਬਦਾਂ ਵਿਚ ਬਿਆਨ ਨਹੀਂ ਕੀਤਾ ਜਾ  ਸਕਦਾ।
ਸ. ਗੁਰਦੇਵ ਸਿੰਘ ਜੀ ਨੇ ਦੱਸਿਆ ਕਿ ਹੁਣ ਇਨ੍ਹਾਂ ਦੀ ਰੀੜ੍ਹ ਦੀ ਹੱਡੀ ਵਿਚ ਹੇਠਲੇ ਪਾਸੇ ਲਗਾਤਾਰ ਦਰਦ ਰਹਿਣ ਲੱਗ ਗਿਆ ਹੈ। ਦਾਸ ਨੇ ਜੋ ਅਕਾਲ ਪੁਰਖ ਨੇ ਹੁਨਰ ਬਖ਼ਸ਼ਿਸ਼ ਕੀਤਾ ਹੈ ਉਸ ਅਨੁਸਾਰ ਅਰਦਾਸ ਕਰ ਕੇ ਉਨ੍ਹਾਂ ਨੂੰ ਵੇਖਿਆ ਤਾਂ ਉਨ੍ਹਾਂ ਦੀ ਉਮਰ ਦੇ ਤਕਾਜ਼ੇ ਅਨੁਸਾਰ ਹੱਡੀਆਂ ਵਿਚ ਜੋ ਆਮ ਕਰ ਕੇ ਬਦਲਾ 60 ਸਾਲ ਦੀ ਉਮਰ ਤੋਂ ਬਾਅਦ ਆਉਂਦੇ ਹਨ ਉਹ ਉਨ੍ਹਾਂ ਦੇ ਹੁਣ ਆਉਣੇ ਸ਼ੁਰੂ ਹੋਏ ਹਨ। ਇਸ ਲਈ ਮੈਂ ਉਨ੍ਹਾਂ ਨੂੰ ਇੱਕ ਹਲਕੀ ਜਿਹੀ ਵਰਜਸ਼, ਅਤੇ ਦੇਸੀ ਆਪਣਾ ਬਣਾਇਆ ਤੇਲ ਵਰਤਣ ਲਈ ਕਿਹਾ ਹੈ। ਮਣਕੇ ਬਿਲਕੁਲ ਠੀਕ ਹਨ। ਉਨ੍ਹਾਂ ਦੀ ਚਿੰਤਾ ਮਈ ਵਿਚਲੀਆਂ ਖੇਡਾਂ ਵਿਚ ਭਾਗ ਲੈਣ ਦੀ ਸੀ ਤੇ ਮੈਂ ਉਨ੍ਹਾਂ ਨੂੰ ਬੇਨਤੀ ਕੀਤੀ ਹੈ ਕਿ ਜ਼ਿਆਦਾ ਮਿਹਨਤ ਨਾ ਕਰੋ; ਅਕਾਲ ਪੁਰਖ ਦੀ ਮਿਹਰ ਹੈ ਤੁਸੀਂ ਆਪਣਾ ਪਹਿਲਾਂ ਵਾਲਾ ਸਮੇਂ ਦਾ ਰਿਕਾਰਡ ਆਪ ਹੀ ਤੋੜ ਲਵੋਗੇ।
ਉਨ੍ਹਾਂ ਦੇ ਸਤਿਕਾਰ ਵਿਚ ਦਾਸ ਨੇ ਉਨ੍ਹਾਂ ਨੂੰ ਕਿਤਾਬਾਂ ਦੇ ਸੈੱਟ ਦਾ ਮਾਣ ਬਖ਼ਸ਼ਿਸ਼ ਕੀਤਾ ਤੇ ਉਨ੍ਹਾਂ ਮੈਨੂੰ  kefir (pronounced Keh-reer') ਦਿੱਤਾ।