1 February ਅੱਜ ਦਾ ਤਾਰੀਖ਼ ਸਿੱਖ ਇਤਿਹਾਸ ਵਿਚ......

ਤੀਜੀ ਧਿਰ

ਸਮੇਤ ਪੰਜਾਬ ਸੰਸਾਰ ਭਰ ਦਾ ਸਿੱਖ ਸਮਾਜ ਪੰਜਾਬ ਨੂੰ ਬਚਾਉਣ ਦੇ ਦਾਅਵਿਆਂ ਅਧੀਨ "ਆਪਣੇ ਗੁਰੂ ਦੀ ਨਾਨਕਸ਼ਾਹੀ ਪ੍ਰਣਾਲੀ ਨੂੰ ਜੁੱਤੀ ਦੀ ਠੁੱਡ ਮਾਰ ਕੇ" ਵਸਾਹ-ਘਾਤੀ ਬੇਭਰੋਸਗੀ ਬਣਾ ਪਿੱਠ ਦਿਖਾਈ ਜਾਂਦੇ ਹੈ ਤੇ ਤੀਜੀ ਧਿਰ ਵਿਚੋਂ ਆਸਾਂ ਲਾਈ ਜਾਂਦਾ ਹੈ; ਉਸ ਤੀਜੀ ਧਿਰ ਅਤੇ ਸਿਆਸਤ ਵਿਚ ਤੁਰਦੀਆਂ ਤਿੰਨ ਧਿਰਾਂ ਸਬੰਧੀ ਬੜੀ ਫਬਦੀ ਨਜ਼ਮ ਪੇਸ਼ ਹੈ, ਜ਼ਰੂਰ ਸੁਣਨ ਦੀ ਕਿਰਪਾ ਕਰਨੀ।
ਜੇ ਸੁਰਤ ਜਾਗੇ ਤਾਂ ਆਪਣੀ ਨਾਨਕਸ਼ਾਹੀ ਪ੍ਰਣਾਲੀ ਵੱਲ ਮੁੜਨ ਦੀ ਖੇਚਲ ਵੀ ਕਰਨੀ......

31 January ਅੱਜ ਦਾ ਤਾਰੀਖ਼ ਸਿੱਖ ਇਤਿਹਾਸ ਵਿਚ......

30 January ਅੱਜ ਦਾ ਤਾਰੀਖ਼ ਸਿੱਖ ਇਤਿਹਾਸ ਵਿਚ......

ਮਿੰਨੀ ਕਹਾਣੀ- "ਐਨ.ਆਰ.ਆਈ. ਆਏ ਪੰਜਾਬ"

ਗੁਰਬਖ਼ਸ਼ ਸਿੰਘਾਂ ਤੇਰਾ ਪੁੱਤ ਵੀ ਪੰਜਾਬ ਨੂੰ ਚੋਣ ਪ੍ਰਚਾਰ ਤੇ ਗਿਆ ਆ।
ਹਾਂ ਵਰਿਆਮ ਸਿੰਘਾਂ, ਕਹਿੰਦਾ ਸੀ ਐਤਕੀਂ ਝਾੜੂ ਨਾਲ ਪੰਜਾਬ ਦਾ ਗੰਦ ਸਾਫ਼ ਕਰ ਕੇ ਆਉਂਦਾ।
ਭਰਾਵੋ ਸਾਡਾ ਸ਼ਿੰਦਾ ਤਾਂ ਤੱਕੜੀ ਵਾਲਿਆਂ ਨਾਲ ਗਿਆ ਆ। ਕਹਿੰਦਾ ਇਹ ਟੋਪੀ ਵਾਲਿਆਂ ਨੇ ਤਾਂ ਪੰਜਾਬ ਧਾੜਵੀਆਂ ਵਾਂਗ ਲੁੱਟ ਲੈਣਾ ।
ਭੋਲਾ ਸਿੰਘ ਤੋਂ ਵੀ ਨਾ ਰਿਹਾ ਗਿਆ । ਨ੍ਹਾ ਭਲਾ ਦਸ ਕਰਤਾਰਿਆ ਬਾਕੀਆਂ ਨੇ ਕਿਹੜੀ ਕਸਰ ਛੱਡੀ ਆ।
ਬ੍ਰੈਮਟਨ ਦੀ ਮਜਲਸ ਵਿਚ ਧੂੰਆਂਧਾਰ ਪੰਜਾਬ ਦੀਆਂ ਚੋਣਾਂ ਤੇ ਬਹਿਸ ਚੱਲ ਰਹੀ ਸੀ। ਤਾਂ ਭੋਲਾ ਸਿੰਘ ਬੋਲਿਆ -
ਆਹ ਲੈ ਬਈ ਗੁਰਮੁਖ ਸਿੰਘ ਵੀ ਆ ਗਿਆ। ਇਹਦਾ ਸਤਿਨਾਮ ਤਾਂ ਨੌਕਰੀ ਛੱਡ ਕੇ "ਆਪ" ਵਾਲਿਆਂ ਦੇ ਪ੍ਰਚਾਰ ਤੇ ਗਿਐ ਬਈ....
ਮਾਯੂਸ ਜਿਹੀ ਆਵਾਜ਼ ਵਿਚ ਗੁਰਮੁਖ ਨੇ 'ਹੂੰ..' ਕਹਿ ਕੇ ਹਾਮੀ ਭਰੀ।
ਵਰਿਆਮ ਨੇ ਪੁੱਛਿਆ "ਸਭ ਠੀਕ ਤਾਂ ਹੈ ? ਮਾਯੂਸ ਕਿਉਂ ਪਫਰਦੈ ?"
ਕਾਹਦਾ ਠੀਕ ਆ ਭਰਾਵੋ...ਹਉਕਾ ਜਿਹਾ ਲੈ ਕੇ ਗੁਰਮੁਖ ਨੇ ਆਪਣੀ ਗੱਲ ਅੱਗੇ ਤੋਰੀ; "ਇਹ ਤਾਂ ਮੂਰਖਤਾ ਆ। ਪੰਜਾਬੋਂ ਇੱਥੇ ਆ ਕੇ ਅਸੀਂ 'ਸਾਫ਼' ਨੂੰ ਵੀ ਗੰਦਾ ਕਰ ਤਾਂ, ਤੇ ਤੁਰੇ ਆ ਪੰਜਾਬ ਦੀ ਸਫ਼ਾਈ ਕਰਨ...."
ਇੱਕ ਲੰਮੀ "ਹੂੰ......." ਨਾਲ ਸਾਰਿਆਂ ਨੇ ਸਾਂਝੀ ਹਾਮੀ ਭਰੀ।
ਭਲਾ ਦੱਸ ਗੁਰਬਖ਼ਸ਼ਿਆ, ਹਾਂ ਤੂੰ ਵੀ ਦੱਸ ਵਰਿਆਮ ਸਿੰਘ ਕੀ ਮੇਰੇ ਤੇ ਤੁਹਾਡੇ ਪੁੱਤਾ ਨੇ ਇੱਥੇ ਵਿਦੇਸ਼ਾਂ ਵਿਚ ਆਪਣੇ ਆਪ ਨੂੰ ਖ਼ਾਲਸਤਾਨੀ ਸਾਬਤ ਕਰ ਕੇ, "ਪੀ ਆਰ" ਨਹੀਂ ਲਈ ? ਹਾਂ ਦੱਸੋ......
ਭੋਲਾ ਸਿੰਘ ਬੋਲਿਆ ਗੱਲ ਤਾਂ ਪੱਕੀ ਆ । ਸਾਡਾ ਗੁੱਡੂ ਵੀ ਤਾਂ ਰਾਜਸੀ ਸ਼ਰਨ ਤੇ ਹੀ ਪੱਕਾ ਹੋਇਆ ਹਾਂ....
"ਹਾਂ ਇਹੋ ਦਰਦ ਆ ......ਗੁਰਮੁਖ ਨੇ ਅੱਗੇ ਬੋਲਣਾ ਸ਼ੁਰੂ ਕੀਤਾ। ਰੋਟੀ ਖਾਣ ਜੋਗੀ ਸਾਨੂੰ ਕੀਤਾ ਖ਼ਾਲਸਤਾਨ ਨੇ, ਤੇ ਪੰਜਾਬ ਵਿਚ ਬਸਤੇ ਚੁੱਕੀ ਫਿਰਦੇ ਆ ਅਸੀਂ 'ਆਪ' ਦੇ, ਅਕਾਲੀਆਂ ਦੇ ....ਨ੍ਹਾ ਭਾਈ; ਜੇ ਕਦੇ ਇੰਜ ਦੀ ਮਿਹਨਤ ਤੇ ਇਮਾਨਦਾਰੀ ਇਨ੍ਹਾਂ ਪਤੰਦਰਾਂ ਨੇ ਖ਼ਾਲਸਤਾਨ ਲਈ ਵੀ ਦਿਖਾਈ ਹੁੰਦੀ ਤਾਂ ਇਹ ਦਿਨ ਨਹੀਂ ਸੀ ਵੇਖਣੇ ਪੈਣੇ.....ਕਿਉਂ ਮੈਂ ਗ਼ਲਤ ਹਾਂ ?"
ਬੋਤਲਾਂ ਦੇ ਡਾਟ ਖੁੱਲ੍ਹੇ ਦੇ ਖੁੱਲ੍ਹੇ ਰਹਿ ਗਏ। ਚੱਲ ਬਈ ਵਰਿਆਮ ਸਿੰਘਾਂ ਘਰ ਨੂੰ ਤੁਰੀਏ....ਹਾਂ ਭਰਾਵਾ ਗੁਰਬਖ਼ਸ਼ ਸਿੰਘਾਂ ਕੁਵੇਲਾ ਹੋਈ ਜਾਂਦੇ .... ਸੱਥ ਤੇ ਇਕੱਲਾ ਗੁਰਮੁਖ ਸਿੰਘ ਖ਼ਾਲੀ ਅੱਖਾਂ ਨਾਲ ਆਪਣੇ ਹੱਥੀਂ ਪਾਏ ਕੂੜੁ ਦੇ ਖ਼ਲਾਰੇ ਨੂੰ ਵੇਖੀ ਜਾਂਦੈ ਤੇ ਸੋਚੀ ਜਾਂਦੈ "ਆਪਾ, ਤਾਂ ਸੰਵਾਰਿਆ ਨਾ ਗਿਆ, ਤੁਰੇ ਆ ਸਾਫ਼ ਕਰਨ ਪੰਜਾਬ ! .....ਅਕ੍ਰਿਤਘਣ"
#sikhbard

ਜੈਤੋ ਹਲਕੇ ਦੇ ਇਸ ਨੂੰ ਘਰ-ਘਰ ਹਰ ਇੱਕ ਵੋਟਰ ਤਕ ਪਹੁੰਚਾਓ....ਕਿਉਂ ਜ਼ਰੂਰੀ ਹੈ ? ਤਾਂ ਪੜ੍ਹਨ ਦੀ ਖੇਚਲ ਕਰ ਸਹਿਯੋਗ ਦਿਓ ਜੀ।

ਆਪਣੇ ਫ਼ੋਨ ਤੇ ਡਾਉਨਲੋਡ ਕਰ ਕੇ ਸਭ ਨੂੰ ਵ੍ਹਟਸਅਪ ਕਰੋ ਜੀ

ਰਾਹੋਂ ਭਟਕੀਆਂ ਭੇਡਾਂ ਬਣੀ ਫਿਰਦੇ ਨੇ ਪੰਜਾਬ ਦੇ ਤੇ NRI ਵੋਟਰ

ਭੇਡਾਂ ਨੂੰ ਨੇਤਾਵਾਂ ਨੇ ਮੈਨੀਫੈਸਟੋ ਵਿਚ ਪ੍ਰਣ ਦਿੱਤਾ ਕਿ ਉਹ ਉਨ੍ਹਾਂ ਨੂੰ ਵਧੀਆ ਗਰਮ ਉੱਨ ਦਾ ਕੰਬਲ ਮੁਫ਼ਤ ਦੇਣਗੇ ਤਾਂ ਕੋਲ ਖੜੇ ਮੇਮਣੇ ਨੇ ਪੁੱਛਿਆ  'ਬਾਪੂ ਇਹ ਕੰਬਲ ਲਈ ਉੱਨ ਕਿੱਥੋਂ ਲੈਣਗੇ ?' ਭੇਡਾਂ ਦੀਆਂ ਨਸਲਾਂ ਵਿਚ ਮਾਤਮ ਛਾ ਗਿਆ....

ਪੰਜਾਬ ਦੇ ਸਿਆਣੇ ਕਹੇ ਜਾਂਦੇ ਵੋਟਰ ਤੇ ਲੋਕ ਖ਼ਾਸ ਕਰ ਟੈਕਸ ਭਰਨ ਵਾਲੇ ਨਾਗਰਿਕ ਇਹ ਸਵਾਲ ਕੇਜਰੀਵਾਲ, ਬਾਦਲ, ਕੈਪਟਨ ਤੋਂ ਪੁੱਛਣ ਕਿ ਉਹ ਮੁਫ਼ਤ ਦੀਆਂ ਸਕੀਮਾਂ, ਬਿਜਲੀ, ਆਟੇ-ਦਾਲ, ਖੰਡ-ਪੱਤੀ, ਘੀ, ਸਮਾਰਟ ਫ਼ੋਨ, ਲੈਪਟਾਪ, ਸਾਈਕਲ, ਸ਼ਗਨ, ਪੈਨਸ਼ਨਾਂ ਤੇ ਬੇਰੁਜ਼ਗਾਰੀ ਭੱਤੇ, ਪਲਾਟ, 5 ਰੁ. ਵਿਚ ਦਾਲ ਰੋਟੀ ਦੇ ਲਈ ਪੈਸੇ ਕਿੱਥੋਂ ਲਿਆਉਣਗੇ ?

ਸਤਾ ਹਥਿਆਉਣ ਲਈ, ਨੇਤਾਗਿਰੀ ਲਈ ਸਰਕਾਰੀ ਧੰਨ ਦੀ ਭ੍ਰਿਸ਼ਟਾਚਾਰੀ ਦੀ ਇਸ ਅਪਰਾਧ ਪ੍ਰਵਿਰਤੀ ਨੂੰ ਅਰਵਿੰਦ ਕੇਜਰੀਵਾਲ, ਪਰਕਾਸ਼ ਸਿੰਘ ਬਾਦਲ, ਕੈਪਟਨ ਅਮਰਿੰਦਰ ਸਿੰਘ ਤੇ ਮੋਦੀ ਅਤੇ ਇਨ੍ਹਾਂ ਦੇ ਦੇਸੀ-ਵਿਦੇਸ਼ੀ ਸਮਰਥਕਾਂ ਨੂੰ  "ਕਾਨੂੰਨੀ ਭ੍ਰਿਸ਼ਟਤਾ ਨੂੰ ਜੰਮਣ ਵਾਲੀ ਕੁਚੱਜੀ ਮਾਂ" ਕਿਉਂ ਨਹੀਂ ਮੰਨਿਆਂ ਜਾਂਦਾ ? ਅਜਿਹਾ ਦੀ ਹੀ ਦਾਈ ਬਣਨ ਲਈ ਐਨ ਆਰ ਆਈ ਕਿਉਂ ਪੱਬਾਂ ਭਾਰ ਹੋਏ ਫਿਰਦੇ ਹਨ ?

ਪੰਜਾਬ ਨੂੰ ਨਸਲੀ, ਆਰਥਿਕ, ਸਮਾਜਿਕ, ਜਾਤੀਵਾਦੀ, ਰਾਜਸੀ, ਪ੍ਰਬੰਧਕੀ ਅਤੇ ਕਾਨੂੰਨੀ ਖ਼ਾਨਾ-ਜੰਗੀ ਵੱਲ ਕਿਉਂ ਧੁੱਸੀ ਜਾ ਰਹੇ ਹੋ ? ਭਾਰਤ ਅੰਦਰ ਟੈਕਸ ਭਰਨ ਵਾਲੇ ਅਤੇ ਮੱਧ ਵਰਗੀ ਸਮਾਜ ਨਾਲ ਇਹ ਸਭ ਤੋਂ ‍ਘ੍ਰਿਣਾਯੋਗ ਅਪਰਾਧੀ ਰਾਜਨੀਤਕ ਸਮੀਕਰਨ ਹੈ ਹੈ ਜੋ ਪ੍ਰਦੇਸ਼ ਨੂੰ ਵਿਹਲੜ ਸਭਿਅਤਾ ਵੱਲ ਲੈ ਜਾ ਚੁਕਾ ਹੈ । ਵਿਹਲੜ ਨੂੰ ਜੇ ਮੁਫ਼ਤ ਵਿਚ ਪੇਟ ਭਰਨ ਦਾ ਹੀਲਾ ਕਰ ਦਿਆਂਗੇ ਤਾਂ ਉਹ ਨਸ਼ਈ ਹੀ ਹੋਵੇਗਾ ! ਜ਼ਿੰਮੇਵਾਰ ਵੋਟਰ ਹੀ ਹੈ । ਸੂਝਵਾਨ ਵੋਟਰੋ, ਕੀ ਇਹੋ ਬਦਲ ਹੁੰਦਾ ਹੈ  ?!

"ਨੋਟਾ" ਕਿਉਂ ਨਹੀਂ ਦੱਬਦੇ ......ਜੇ ਇਸ ਵਾਰ ਸਰਕਾਰ ਨ੍ਹਾ ਚੁਣੀ ਜਾਵੇਗੀ ਤਾਂ ਹੀ ਕ੍ਰਾਂਤੀ ਆਵੇਗੀ। ਯਕੀਨ ਕਰੋ ਇਲੈੱਕਸ਼ਨ ਕਮਿਸ਼ਨ ਦੇ ਥੱਲੇ ਇਹ ਸਾਰੇ ਅਫ਼ਸਰ ਤੇ ਰਾਜਨੀਤਕ ਬੰਦੇ ਕਿਵੇਂ ਸੂਤ ਹੋ ਕੇ ਪ੍ਰਸ਼ਾਸਨ ਚਲਾ ਰਹੇ ਹਨ; ਤੁਹਾਨੂੰ ਇੰਜ ਦਾ ਹੀ ਸੁ-ਸ਼ਾਸਨ ਤੇ ਸੁਚੱਜਾ ਪ੍ਰਸ਼ਾਸਨ ਅਗਲੇ 6 ਮਹੀਨਿਆਂ ਲਈ ਸੰਵਿਧਾਨਿਕ ਤੌਰ ਤੇ ਮਿਲ ਜਾਵੇਗਾ । ਸੋਚੋ ਤੇ ਆਪਣੀ ਵੋਟ ਦੀ ਸਹੀ ਵਰਤੋਂ ਕਰੋ.... "ਨੋਟਾ" ਦਾ ਬਟਨ ਦੱਬੋ ।

ਦਾਸ ਵੱਲੋਂ ਲੰਬੀ ਤੋਂ 2007 ਵਿਚ ਸ.ਬਾਦਲ ਦੇ ਖਿਲਾਫ਼ ਕਿਸੇ ਵੀ
ਪੰਥਕ ਧਿਰ ਵੱਲੋਂ ਪਹਿਲੀ ਵਾਰ ਲੜੀ ਗਈ ਚੋਣ ਦਾ ਪੋਸਟੲਰ।
ਇਸ ਚੋਣ ਰਾਹੀਂ ਭਾਰਤ ਅੰਦਰ ਸਿੱਖ ਕੌਮ ਨੂੰ "ਖ਼ਾਲਸਤਾਨ" ਲਈ
ਸਿੱਧੀਆਂ ਵੋਟਾਂ ਮੰਗਣ, ਕੈਂਡੀਡੇਟ ਖੜੇ ਕਰਨ ਅਤੇ ਪਾਰਟੀ
ਬਣਾਉਣ ਦਾ ਦਾਸ ਨੇ ਹੱਕ ਲੈ ਕੇ ਦਿੱਤਾ।

ਜੇ ਬਦਲ ਚਾਹੁੰਦੇ ਹੋ ਤਾਂ ਅਗਲੇ 6 ਮਹੀਨਿਆਂ ਵਿਚ "ਨਾਨਕਸ਼ਾਹੀ ਰਾਜਸੀ ਵਿਵਸਥਾ ਅਤੇ ਪ੍ਰਣਾਲੀ" ਹੀ ਪੰਜਾਬ ਵਿਚ ਬਦਲ ਦੇ ਸਕਦੀ ਹੈ; ਇੱਧਰ ਮੁੜੋ। ਨਹੀਂ ਤਾਂ "ਖ਼ਤਾ ਲਮਹੋਂ ਨੇ ਕੀ , ਸਜ਼ਾ ਸਦੀਓਂ ਨੇ ਪਾਈ ਹੈ" ਨੂੰ ਸੱਚ ਕਰੋਗੇ ।

ਮੈਂ 2007 ਦੀਆ ਪੰਜਾਬ ਚੋਣਾਂ ਵਿਚ ਲੰਬੀ ਵਿਚ ਲੋਕਾਂ ਨੂੰ ਕਿਹਾ ਸੀ ਕਿ ਜੇ ਸਭ ਕੁੱਝ ਮੁਫ਼ਤ ਹੀ ਲੈਣਾ ਹੈ ਤਾਂ ਬੋਰੀ ਬਿਸਤਰਾ ਚੁੱਕੋ ਤੇ ਇਤਿਹਾਸਕ ਗੁਰਦੁਆਰੇ ਜਾ ਕੇ ਬਹਿ ਜਾਓ ਜਿੱਥੇ ਗੁਰੂ ਸਾਹਿਬ ਤੁਹਾਨੂੰ ਸਭ ਕੁੱਝ ਹੀ ਮੁਫ਼ਤ ਦਿੰਦੇ ਹਨ। ਫਿਰ ਸਰਕਾਰ ਚੁਣਨ ਅਤੇ ਵੋਟ ਪਾਉਣ ਦਾ ਅਹਿਸਾਨ ਲੈਣ ਦੇਣ ਦੀ ਕੀ ਲੋੜ ਹੈ ? ਮੈਂ 2007 ਦੀ ਪੰਜਾਬ ਚੋਣਾਂ ਵਿਚ ਅਜਿਹੀਆਂ ਸ਼ੁਰੂਆਤਾਂ ਦਾ ਇਹ ਕਹਿ ਕੇ ਵਿਰੋਧ ਕੀਤਾ ਸੀ ਕਿ ਪੰਜਾਬ ਨੂੰ ਭਿੱਖ ਮੰਗਾਂ ਨਹੀਂ ਕਿਰਤ ਮੁਖੀ ਭਵਿੱਖ ਚਾਹੀਦਾ ਹੈ; ਤਾਂ ਸਭ ਨੇ ਮੇਰਾ ਮਖ਼ੌਲ ਉਡਾਇਆ ਸੀ । ਹੁਣ ਤੁਹਾਨੂੰ ਉਸੇ ਭਵਿੱਖ ਤੇ ਲਿਜਾ ਕੇ ਇਕੱਲਾ ਛੱਡ ਦਿੱਤਾ ਗਿਆ ਹੈ।